॥ ही मेनका ॥

परी म्हणू की सुंदरा, तिची तर्‍हा असे जरा निराळी

तिची अदा करी फिदा, ही मेनका कुणी जणु निघाली

तिचे वळून पाहणे, मधाळ गोड बोलणे

कधी खट्याळ हासुनी, हळूच जीभ चावणे

मोकळा करुन मीच हे कधीच दिलं तिच्या हवाली

तिची अदा करी फिदा, ही मेनका कुणी जणु निघाली

हजारदा ती भेटते, बोलु बोलु वाटते

बोलणे मनातले परि मनीच राहते

मोहिनी तिची अशी, फुले जशी हजार भोवताली

तिची अदा करी फिदा, ही मेनका कुणी जणु निघाली